ناصر الوسمي

هذي زينب دمعة بعيون الوجود

وكن غدت هالدنيا وجنات ومقل

الي هسه عزها ظل يدوّب كل ضمير

وعايش بكل الغياره وما بطل

وصنعت بعزها وصبرها لهالزمان

كل مجدها وأصبحت مضرب مثل

ما تذل أبدًا رغم زمرة يزيد

وتبقى زينب هيه بت خير العمل

هيه لبوة فاطمة وحامي الدخيل

تمثّل الاثنين وهيه بلا أهل

ووقفت بموقف عظيم بكربلاء

وتنظر الأجساد طاويها الأجل

وطلعت بهمها وصبرها بلا كفيل

من بعد كافلها عبّاس البطل

وهم اخوها حسين بالطف الكتيل

وكن قلبها بطيحة حسين انجتل

إلها راس ما نزل لهل الطغاة

ومثّلت راس الحسين اللي ما نزل

ركعت لزينب شرف رووس الجبال

حيث إنها بنت علي أصلب جبل

يعني كل هذا ونخاف بهالزمان

ينهدم مرقدها بكفوف الدّجل

واحنا من هيبة قمرها نظل جنود

الها ونبيد الطغاة أهل الجهل

هيه زينب ثورة بوجوه الطغاة

وكل فكر ننسر بطولتها انذهل

هيه وجه المرتضى وتطفح شموخ

تحكي غيرة وكل خصم يرجف وجل

هيه نسخة حيدرة بسوح الجهاد

ناسج إلها عباية من نسج الأمل

وخل نصيح بعزها وبثغر الإباء

قدر الله وما شاء فعل