متاهة | صالح المؤمن 1446 هـ 

كلمات: الشاعر حسن طاهر المعيبد

حبيبي حسين، أشهد أن جرحك المنفى الوحيد في متاهة الأيام! 

يحبيبي ياحسين  .. نور عيني ياحسين

أنا لا أنسى الحسين  ... وهو دامي الودجين

ضايع بمتاهه!

لمني آهه آهه

ياللي متوزع على حر الصعيد

و تجمع ايّامي على باب السنه!

(يا حُسين)، الماتم البيت الوحيد

اليفتح ابوابه گبل مـ أستأذنه!

سلام الله على (أيامك)

سلام الله على (آلامك)

سلام الله على (آلامك)

أجي لبابك .. أشد گلبي ..من اجذور المشاعر

أريد ابچي ..وعلى روحي .. الدمع يحفر: حوافر!

أريد (اوّل) .. أحاسيسي .. يصير بگلبي (عاشر)

أريد اتصف .. لي اخيامك .. على احدود النواظر

بطبره فوگ الطبره أتوسّل اجيت

خذني! رتّبني ، حزن فوگ الحزن

الما له ماتم يضمنه، ما عنده بيت

اعليك لو ما أنفجع، ما أطمئن!

ماتمك لجوئي

ودمعتك وضوئي

سلام الله على (أيامك)

سلام الله على (آلامك)

سلام الله على (آلامك)

صبيحة واحد (امحرّم) .. اجي لبيعة هلالك

واطش عمري على اجروحك واصيحن: لك حلالك!

النفس، نفسك .. الأهل أهلك .. حبيبي ومالي مالك!

جمالي دمـ..ـعتي التجري على مصرع جمالك

أجي واسمع بالشفاه الذابلات

شگلت يا بو اليمّه بـآخر تمتمه؟!

بس اشوفك تحيا أكثر بالممات

امن اسمع المذبوح يقرا ماتمه

أوّل المنابر

أقدس المناحر!

سلام الله على (أيامك)

سلام الله على (آلامك)

سلام الله على (الهامك)

إلك دمعه .. واداريها .. مداراة الحبايب

أخافن لا .. تجي العشره .. وانا بصيحتها غايب!

أخافن ما .. تصب عيني .. على قدر المصايب

أخافن لا .. يدگ (عاشر) .. ولا أطلع (مواكب)

رف عليك الـ بين ضلعيني يصيح:

(هذه أعلامنا قد رفرفت)

وجيت اطمنّك (ضاقَ بي كلُّ فسيح)

و جمرة امصابك بعدها ما طفت

ودمعتك أمانه

بالجفن مُصانه!